HK Express 係上個月舉辦 reward-U 獎賞兌換計劃記招,而事隔個半月,reward-U 積分兌換計劃就已經開始左啦, 大家只要有 40,000 分係手,就可以用積分兌換機票、行李、餐飲等各種優惠。換之前,等 HK Finance Jetso 幫大家睇點換先更 Jetso!
最低兌換要求係幾多?
最低要求係要有 40,000 分,咁就可開始兌換獎賞。想知難唔難儲 40,000 分,就繼續睇埋啦!
消費$1有幾多分?
reward-U 儲分機制係要消費滿 $1,就可獲得 reward-U 積分 10 分。咁即係話如果要有 40,000 分先可開始兌換獎賞,即係意味住消費滿 $4,000 就符合換領要求啦。諗落其實都唔太難,只要買兩張機票,已經可達到最低要求啦!
幾時換先最著數?
reward-U 係實施浮動兌換機制,即係例如淡季期間,機票價錢較平,咁大家就可以用少啲分數去換領機票;相反旺季機票就比較貴,咁大家就需以較多分數換取。所以如果大家想用積分用得更著數,淡季去兌換就更見使啦。有 40,000 分在手嘅話,即可開始 redeem 各項機票及周邊優惠,然後付款頁面選擇以「reward-U 積分」找數便可!如果唔夠分係做唔到任何換領,務必留意。
2016 年有搭過 HK Express 航班即可補分
雖然 reward-U 呢個獎賞計劃開始冇耐,但只要於今年 1 月 1 日後有搭過 HK Express 航班,都可於網上填寫補發積分表格,補領 reward-U 積分。同樣係擁有 40,000 分以上就可開始兌換所需優惠。咁樣大家應該更易儲夠分啦!
延伸閱讀
如想更快知道更多 Jetso, 請 like 我們 facebook page